أكيد دلوقتي بتسأل نفسك: “هو المصطلح ده جه منين؟”
خليني أحكيلك القصة ورا الاسم ده.
في الفترة اللي فاتت، لما كنت بتكلم عن إزاي تعمل لنفسك بيزنس، كنت دايمًا بشوف الناس بتفكر في البيزنس على إنه شركة كبيرة، موظفين، ناس لابسة بدل، وحاجات معقدة! علشان كده قررت أغيّر المصطلح دة!
بدل ما أقول “بيزنس”، فكرت أستخدم كلمة “مونيتايز”. بس لما تيجي تترجمها للعربي هتلاقي معناها “تحقيق الربح”، ودي كلمة بتخلّي أي حد يحس إن الموضوع فيه نصباية، لأن كتر النصب حوالينا خلّى أي حاجة بتتكلم عن “تحقيق الربح” تبقى مشبوهة. وأنا واحد من الناس اللي اتنصب عليها كتير جدًا بسبب الكلمة دي، فقررت أدور على مصطلح جديد!
“To monetize something”
يعني “أنك تفلوس الشئ” أو تحوله لفلوس! وده الأساس اللي هنتكلم عنه هنا
ببساطة، البيزنس هو إضافة قيمة للناس، بالشكل اللي يخليهم مستعدين يدفعوا فلوس مقابل القيمة دي.
وفي أشكال كتير للبيزنس، بس الطريقة اللي هنتكلم عنها النهارده هي الأسهل. ليه؟ لأنها قائمة عليك إنت
ده اللي أحنا بنسميه
One-Person Business Model.
وده معناه أنك ببساطة هتبني بيزنس قائم على شخصيتك، خبراتك، مهاراتك، والمشاكل اللي قدرت تحلها.
وده بالمناسبة مش المقصود بيه إنك تكون فريلانسر أو يوتيوبر، بل إنك تبني فكرة مشروع قائمة على ماضيك وتجاربك.
:علشان تبدأ البيزنس مودل دة، محتاج 3 حاجات أساسية
.الموضوع ده مش “اضغط على زرار وخد فلوس”. لازم تكون مستعد تصبر وتشتغل بجد على نفسك وعلى مشروعك
.لو ما عندكش قيمة أو خبرة تضيفها للناس، الموديل مش هيشتغل. محتاج تكون عارف مشاكلك السابقة وإزاي حليتها
.لو شخصيتك اعتمادية أو مش عارف تنظم وقتك، للأسف الموديل مش هيشتغل ليك
الإجابة ببساطة: ابدأ بنفسك
في خلال الفترة اللي أنت عيشتها أكيد مريت بتجارب ومشاكل. أكيد اتعلمت حاجات نجحت فيها
الحاجات دي هي اللي هتساعد بيها الناس اللي بتمر بنفس المشاكل!
علشان تبقى ناجح وتضيف قيمة للمجتمع، لازم تمر بخطوات معينة
إنت مين؟ إيه نقاط قوتك؟ إيه المشاكل اللي عايز تحلها لنفسك؟
بعد ما تعرفت على نفسك، اسأل: إيه القيمة اللي ممكن أقدمها؟ مين الناس اللي ممكن أساعدهم؟
في الخطوة دي، بتتعلم الالتزام، وإزاي تطور نفسك بشكل مستمر
ابدأ شارك القيمة اللي عندك مع الناس. أفضل مكان تبدأ منه هو السوشيال ميديا
حَوّل خبرتك أو مهارتك لمنتج أو خدمة. ده ممكن يكون كتاب، استشارة، ورشة عمل، أو كورس.
بعد المرحلة دي بتبدأ مرحلة الفلوسة:
الوعي بالنفس
إنت مين؟ إيه نقاط قوتك؟ إيه المشاكل اللي عايز تحلها لنفسك؟
قدم خدمة أو مهارة زي المونتاج أو الجرافيك ديزاين
اعتمد على قصتك وتجاربك، وقدم حلول لمشاكل الناس من خلال تجربتك الشخصية
----------------------------
زمان كان عشان تظهر نفسك وتبرز قيمتك محتاج ميزانية ضخمة للإعلانات في التلفزيون أو المجلات. دلوقتي، السوشيال ميديا فتحت الباب لأي حد عنده قيمة يقدمها إنه يوصل للناس بشكل مجاني تمامًا!
لكن علشان السوشيال ميديا تكون فعالة بالنسبة لك:
أي شخص هيقرر يتابعك لازم يكون شايف فايدة حقيقية من اللي بتقدمه. سواء كان محتواك تعليمي، تحفيزي، أو حتى ترفيهي، المهم إنه يكون عنده قيمة مميزة.
الجمهور دايمًا بيدور على حلول بسيطة وسريعة لمشاكلهم. مش لازم تعقد الدنيا. استخدم أسلوبك الطبيعي وخاطب الناس بلغتهم.
الناس بتثق أكتر في الأشخاص الحقيقيين اللي بيشاركوا قصصهم وتجاربهم بدون تزييف. شارك نجاحاتك، وأيضًا فشلك، وخلي الناس تشوف الرحلة الحقيقية.
ابدأ بتحديد الحاجات اللي بتميزك، إيه المهارات اللي عندك؟ إيه المشاكل اللي عديت بيها في حياتك وقدرت تحلها؟ إزاي خبراتك وتجاربك ممكن تكون مفيدة لغيرك؟
مثال: لو كنت شخص عانى من عدم تنظيم الوقت وقدرت تحل المشكلة دي، فأنت عندك تجربة حقيقية ممكن تفيد بيها ناس كتير
لو كنت شخص عنده سمنة مفرطة وقدرت تنجح في نزول وزنك تقدر تقدم ده للناس وتساعدهم بيها
المحتوى هو الجسر اللي هيوصل بينك وبين الجمهور
ابدأ بكتابة بوستات عن تجاربك
شارك نصائح سريعة على إنستجرام أو تيك توك
اعمل فيديوهات قصيرة توضح فيها حلول لمشاكل الناس
الجمهور مش هيشتري منك حاجة لو ماوثقش فيك، والثقة بتتبني من خلال
أنك تكون صادق في المحتوى
أنك تجاوب على أسئلة الجمهور
أنك تقدم قيمة حقيقية بدون انتظار مقابل في البداية
بعد ما الجمهور يبدأ يثق فيك، لازم تقدم حاجة ملموسة يقدر يشتريها من خلالك
كورس أونلاين
استشارات شخصية
كتاب إلكتروني
ورش عمل
بعد ما الجمهور يبدأ يثق فيك، لازم تقدم حاجة ملموسة يقدر يشتريها من خلالك
كورس أونلاين
استشارات شخصية
كتاب إلكتروني
ورش عمل
بعد ما الجمهور يبدأ يثق فيك، لازم تقدم حاجة ملموسة يقدر يشتريها من خلالك
البيزنس مبني عليك، وده معناه إن مفيش حد يقدر ينافسك في شخصيتك
كل ما تحل مشكلة لنفسك، بتلاقي فرصة جديدة تضيفها لقيمة اللي بتقدمه
بما إن البيزنس قائم عليك، فأنت المسؤول عن كل حاجة
لو ما كنتش منظم أو عندك قدرة على الالتزام، النجاح هيكون صعب
لو لسه عندك أسئلة أو محتاج مساعدة في رحلتك، شاركني في الكومنتات أو تواصل معانا من خلال الواتساب لحجز استشارة.
